بيىل ەلىمىزدە «ازاماتتارعا ارنالعان ۇكىمەت» مەملەكەتتىك كورپوراتسياسى قايتا قۇرۋدان ءوتتى. بۇل جاڭاشىلدىق حالىققا كورسەتىلەتىن قىزمەت ساپاسىن ارتتىرۋعا مۇمكىندىك بەرەدى. وبلىس ورتالىعىنداعى حالىققا قىزمەت كورسەتۋ سالاسىنداعى 4 مەكەمە بىرىكتىرىلىپ, ءبىر عيماراتقا ورنالاستى.
ال, «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ وبلىس بويىنشا فيليالىنىڭ مالىمەتىنشە, وڭىردە مەملەكەتتىك قىزمەت كورسەتۋ ساپاسىن ارتتىرۋ باعىتىندا 30-دان استام جوبالار جۇزەگە اسىرىلۋدا. بۇرىن تۇرعىندار ءبىر انىقتامالىق قۇجات ءۇشىن 2-3 كۇن جۇرسە, قازىر قىزمەت نەبارى 2 مينۋتتا كورسەتىلەدى. ەندى پاۆلودارلىقتار اۆتوكولىكتەرىن ونلاين رەجيمىندە تىركەۋ مۇمكىندىگىنە يە بولادى. قاجەتتى قىزمەتتى ۇيدە وتىرىپ جاساي الادى. قازىر ەلەكتروندى ۇكىمەت قىزمەتىن پايدالانۋشىلاردىڭ قاتارى ارتۋدا.
بۇگىندە وڭىردەگى حالىققا قىزمەت كورسەتۋ ورتالىقتارىنداعى (حقكو) 621 مەملەكەتتىك قىزمەتتىڭ 44-ءى ەلەكتروندى تۇردە كورسەتىلەدى. بارلىعىندا «ConnectionPoint» اتتى وزىنە-ءوزى قىزمەت كورسەتۋ ورىندارى دا جابدىقتالعان. تالون تۇبىرتەگىن الىپ, كەزەكتە تۇرماي, وزدەرى-اق ەلەكتروندى ساندىق قولتاڭبا ارقىلى باسقا دا 700 قىزمەتتى تۇتىنا الادى.
فاريدا بىقاي
«ەگەمەن قازاقستان»
پاۆلودار